Refluksi Gastro Ezofageal (GERD)

Kthimi (refluksi) i sekrecioneve të stomakut, sekrecione të cilat janë acide, ndodh:

• Kur ka prishje të një ose disa elementeve që pengojnë refluksin (mekanizmin antirefluks).
• Nga një dobësim i mekanizmave të pastrimit dhe neutralizimit të përmbajtjes së stomakut që kthehet në ezofag.

Shenjat kryesore të GERD janë:

• Urthi.
• Regurgitimi (rikthimi i lëngjeve dhe/ose ushqimeve në gojë).
• Disfagia (vështirësia në kalimin e ushqimeve).
• Odynofagia (dhimbja gjatë kalimit të ushqimit në stomak).
• Ndjesia e pështymës si shkumë në gojë.
• Lëngëzim i shtuar, i thartë dhe/ose i kripur në gojë.
• Kolla kronike.
• Astma.
• Erozionet (gërvishtjet ose gërryerjet) e dhëmbëve.
• Sëmundjet obstruktive (bllokuese) të mushkërive.
• Ngjirja e zërit.
• Ndjesia e një lëmshi në fyt.
• Ndjenja e sekrecioneve në fyt, të cilat thithen nga hunda.
• Sinusiti.
• Otiti i mesëm (sëmundja e veshit të mesëm).
• Pneumonitë e përsëritura dhe kanceri i laringut.

GERD mund të ketë dhe komplikacione të tjera:

• Ngushtimi i ezofagut.
• Transformimi i indit të riparuar në mukozë gastrike (ezofag i Barrett-it), i cili ka një përqindje të malinjizimit, pra të kancerizimit.
• Transformimi në kancer.
• Sëmundje si astma, laringjiti dhe kolla.

Diagnoza:

• Përpara se të vendoset një diagnozë e saktë për GERD duhet të përjashtohen sëmundje të tjera me simptoma të ngjashme:
  • Sëmundjet e zemrës.
  • Sëmundjet e rrugëve të tëmthit.
  • Sëmundjet ulçeroze.
  • Sëmundjet e tjera të ezofagut.
• Vizitë gastro-hepatologjike.
• Gastroskopi (Në disa raste me biopsi).
• Analiza laboratorike në gjak:
  • Gjak komplet.
  • Funksioni hepatik (i mëlçisë): bilirubinë direkte, bilirubinë totale, SGOT, SGPT, ALP, PCR, LDH, GGT, fibrinogjen, albuminemi.
  • Funksioni renal (i veshkës): azotemi, kreatinemi.
  • Glicemi.
  • INR.
  • Lipidograma: HDL, LDL, triglicerid, kolesterol total.
  • Hekuri në gjak: sideremi, ferritinemi.
  • Markerat tumoralë: AFP, CEA, Ca 19-9.
• Analiza laboratorike në feçe:
  • Antigeni fekal për helikobakter pilori.
• Ekografi Abdominale.
• Monitorimi i pH të ezofagut (matja e pH në nivele të ndryshme të ezofagut).

Trajtimi:

• Terapia medikamentoze, kohëzgjatja e të cilave kushtëzohet nga grada e dëmtimeve ezofageale.
• Rregullimi i dietës ushqimore dhe i mënyrës së jetesës.
• Rënia në peshë, tek ata që janë mbi peshë, është e një rëndësie të veçantë dhe është e padiskutueshme në shërimin e sëmundjes.

Parandalimi:

• Këshillat dietike dhe ato të mënyrës së jetesës mund të aplikohen edhe nga persona që nuk vuajnë nga GERD. Kjo mund të ndihmojë në parandalimin e kësaj sëmundjeje.
• GERD nuk mund të parandalohet plotësisht, por shmangia e komplikacioneve të tij është e rëndësishëm në kurimin e sëmundjes që në stadet (fazat) më të hershme.




KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.