Koliti Spastik (Sindromi i zorrës së irrituar)

Ankesat:

• Dhimbje dhe/ose fryrje barku
• Çrregullime të jashtëqitjes – diarre, kapsllëk ose një formë e ndërthurur ndërmjet tyre (herë njëra, herë tjetra).
• Ndjesi e ngopjes së shpejtë pas ngrënies.
• Kur ankesat e mësipërme zgjasin mbi tre muaj.

KUJDES!!! Nëse ankesat e mësipërme shoqërohen me një ose disa nga simptomat e mëposhtme, nuk kemi të bëjmë me sindromën e zorrës së irrituar. Këto ankesa janë:
• Temperaturë.
• Jashtëqitje me gjak.
• Rënie në peshë.
• Ulje të theksuar të oreksit.

Diagnoza:

Vendoset nga mjeku vetëm nëse janë përjashtuar shkaqe të tjera të ankesave të mësipërme duke u bazuar në:

• Vizitë gastro-hepatologjike.
• Gastroskopi.
• Kolonoskopi.
• Ekografi abdominale.
• Tushe rektale (ekzaminimi me gisht i kanalit anal).
• Analiza laboratorike në gjak:
  
  • Funksioni hepatik (i mëlçisë): bilirubinë direkte, bilirubinë totale, SGOT, SGPT, ALP, PCR, LDH, GGT, fibrinogjen, albuminemi.
  • Funksioni i pankreasit: amilazemi, amilazuri.
  • Funksioni renal (i veshkës): azotemi, kreatinemi.
  • Elektrolitet (Ca, K, Mg, Cl, Na).
  • Glicemi.
  • INR.
  • Gjak Komplet.
  • Lipidograma: HDL, LDL, triglicerid, kolesterol total.
  • Hekuri në gjak: sideremi, ferritinemi.
  • Markerat tumoralë: CEA, AFP, Ca 19-9, Ca 125.
  • Markerat viralë: AgHbs, AntiHCV.
  • Hormonet e tiroides: Ft3, Ft4, TSH.
• Analiza laboratorike në feçe dhe në urinë:
  • Urinë komplet.
  • Feçe kandida.
  • Koprokulturë.
  • Feçe parazit.
  • Antigen fekal për helikobakter pilori.
  • Feçe gjak okult.
  • Feçe për yndyra, feçe për fibra elastike dhe muskulore.
  • Kalprotectina ne feçe.

Trajtimi:

• Mjekim të mirëpërcaktuar shkakor nuk ka!!!
• Një regjim dietik ushqimor i pasur me fibra (por jo vetëm) në vartësi të jashtëqitjes ndihmon. Gjithashtu, eliminimi i ushqimeve që krijojnë problem është i rëndësishëm. (Klikoni këtu për më tepër)
• Psikoterapi dhe menaxhim i stresit.
• Mjekimi me medikamente simptomatike, antispastike ose qetësues të sistemit nervor, kundër fryrjes së barkut, kundër kapsllëkut ose diarresë gjithmonë sipas porosisë së mjekut, përbën trajtimin e duhur medikamentoz për kolitin spastik.

Parandalimi:

Konsulta me mjekun gastro-hepatolog në rastet e çrregullimeve të zakonit tuaj të jashtëqitjes, mund të shërbejë për ta diagnostikuar këtë sëmundje në hapat e parë dhe për të shmangur në këtë mënyrë komplikacionet.

Dieta e rregullt dhe e balancuar ushqimore është gjithmonë një plus në të gjitha problemet e tubit tretës.

KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.