Dieta Nordike. A duhet ta provoni?

Vendet nordike të Danimarkës, Finlandës, Norvegjisë, Islandës, Suedisë dhe Grenlandës janë shpesh të njohura për jetëgjatësinë e banorëve të tyre. A mund të jetë kjo falë dietës së tyre ushqimore?

Po, mundet. Një përmbledhje e studimeve kërkimore-shkencore tregoi se dieta ushqimore nordike shoqërohet me rreziqe më të ulëta të diabetit, sulmit në zemër, goditjeve në tru dhe kancerit kolorektal.

Ashtu sikurse dieta e famshme mesdhetare, edhe dieta nordike përqendrohet në konsumimin e frutave, perimeve dhe ushqimeve të tjera të pasura me lëndë ushqyese. Por në dallim me të, dieta nordike e vë theksin te përdorimi i vajit të kanolës në vend të vajit të ullirit.

Por, çfarë ushqimesh të tjera përfshin dieta nordike dhe çfarë përjashton?

Amanda Stinson, dietologe në qendrën mjekësore Aurora Health Care në Grafton, WI, jep këto ndarje si më poshtë:

• Konsumoni më shumë:
  
  
  • Fruta, veçanërisht manaferrat si boronicat, luleshtrydhet dhe mjedrat, po ashtu mollët dhe dardhat.
  • Perime si: patate, karota, majdanoz, qepë dhe perime të tjera me rrënjë; perime kryqëzuese si: lakra, brokoli dhe lakrat e Brukselit.
  • Drithërat, si ushqimet e bëra me thekër, elb dhe tërshërë.
  • Peshq si: salmoni, harengë, skumbri, merluci dhe shalqi.
  • Proteina me bazë bimore si: arrat, farat dhe fasulet.


• Qumësht dhe yndyrat: qumësht me pak yndyrë, kos dhe djathë, vaj kanola, arra dhe fara.
• Më pak mish: Kur hahet sugjerohen qengji, shpendë me yndyrë të ulët - gjeldeti, lepuri, fazani, dreri dhe kafshë të tjera të egra.



• Shmangni:
  
  
  • Mishin e viçit dhe mishra të tjera, pra mishin e kuq.
  • Pije të ëmbla dhe ushqime të tjera me sheqerna të shtuara.
  • Ushqimet e përpunuara dhe aditivët e ushqimit.