Disfagia

Kjo ankesë shfaqet në mosha të ndryshme dhe ka shkaqe të ndryshme. Disa nga këto shkaqe janë:

• Sëmundje nga refluksi (kthimi i acidit të stomakut në ezofag).
• Trupat e huaj.
• Akalazia (ngushtimi në pjesën e fundit të ezofagut).
• Divertikuj, formacione si xhepa në ezofag.
• Inflamacione të ezofagut.
• Sëmundje tumorale.
• Abcese (qelbëzime të fytit).
• Djegiet nga konsumi i kimikateve si acidet ose soda kaustike.
• Çrregullimet neurologjike ose neuro-muskulare.
• Struma (rritje në vëllim e gjëndrës së tiroides).




Në disa raste kjo ankesë shoqërohet dhe me ankesa të tjera. Disa nga këto ankesa janë:

• Të vjellat.
• Dhimbje gjatë gëlltitjes.
• Djegie në gjoks.

Diagnoza:

• Vizitë gastro-hepatologjike.
• Kulturë fyti për kandida, kulturë fyti për koke – kultura e sekrecioneve të grykës për mikrobe dhe myk.
• Analiza te gjakut:
  • Gjaku komplet
  • Ferritinemi
  • Sideremia
• Markerat tumoralë:
  • CEA.
  • AFP.
  • CA 19-9.
• Markerat viralë:
  • HIV1-2.
• Gastroskopi.
• Ph – metria e ezofagut me anë të së cilës matet pH i ezofagut, për të vlerësuar nëse acidi i reflektuar i stomakut është një shkaktar i mundshëm i disfagisë.
• Manometria e ezofagut e cila do të përcaktojë fuqinë kontraktuese, por dhe lëvizëse të ezofagut.
• CT (skaneri) i kraharorit i cili do të evidentojë nëse ka sëmundje të tjera të organeve që janë fqinj me ezofagun.

Parandalimi:

• Rekomandohet që përpara çdo shenje të disfagisë, sado e lehtë të jetë ajo, duhet patjetër të konsultohet mjeku gastrolog. Në këtë mënyrë bëhet i mundur diagnostimi i sëmundjes në stadin (fazën) e saj më të hershëm.
• Rekomandohet ushqyerja e rregullt. Kjo nënkupton përtypjen e mirë të ushqimit, si dhe shmangien e konsumit të ushqimeve tepër të nxehta ose tepër të ftohta.
• Rekomandohet shmangia e alkoolit dhe e duhanit.





KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.